HATAW! D'yaryo ng Bayan hatawtabloid.com
MA at PA
ni Rommel Placente
ISA sana si Julie Anne San Jose sa guest sa concert ni Regine Velasquez billed as Regine Rocks na ginanap noong April 19 sa Mall Of Asia Arena. Pero hindi siya natuloy.
Ayon kay Julie Anne, kinailangan niyang magpaalam sa production ng concert ni Regine dahil sa naranasang “health emergency” ilang oras bago maganap ang naturang event.
Sa pamamagitan ng kanyang Facebook page, nag-post ang actress-singer ng kanyang mensahe para kay Regine kasabay ng pagpapaliwanag kung bakit wala siya sa matagumpay na concert.
Ayon sa Kapuso singer, “Congratulations, ate Regine Velasquez-Alcasid for a very successful concert!
“Your talent is truly undeniable, and I feel fortunate to have witnessed it throughout my journey as a singer. You are my inspiration,” simulang mensahe ng girlfriend ni Rayver Cruz.
Kasunod nga nito ang paghingi niya ng paumanhin kay Regine, “I would like to express my gratitude for inviting me to be part of your concert.
“I was incredibly excited to share the stage with you again last night but unfortunately, things didn’t go my way due to health concerns and I appreciate your understanding. I love you!” sabi pa ng jowa ni Rayver.
Sa concert ni Regine, ay guest sina Darren Espanto at JK Labajo. Siguradong nagkita ang dalawa. Nagpansinan kaya sila?
Kinasuhan noon ng nanay ni Darren si JK dahil sa umano’y pagtawag nito ng bading sa kanyang anak. Na ayon naman kay JK ay na-hack ang kanyang Twitter account na ngayon ang tawag ay X, kaya hindi siya ang tumawag niyo kay Darren.
