HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
MABUTI naman at ayos na pala ang co-parenting nina Vina Morales at dating partner na si Cedric Lee.
Ayon kay Vina nang makausap sa red carpet premiere night ng kanilang pelikulang Sunny ng Viva Films na palabas na sa mga sinehan, okey na sila ni Cedric, ang tatay ng nag-iisa niyang anak na si Ceana.
Nagkademandahan noon sina Vina at Cedric dahil sa kanilang anak. At ngayon maayos na sila.
“I’m very happy to announce that we’re co-parenting. We’re civil. Okay na. They always find time with each other.
“Actually, this weekend, Saturday and Sunday, they were in Tagaytay. Kasama niya ‘yung dad niya,” pahayag pa ni Vina.
Sinabi pa ng aktres na, “Siyempre, for the sake of our daughter. At saka na-realize ko noong pandemic, parang you know, forgiveness talaga, eh.
“You have to forgive. Life is short. And it’s also for her own sake, ‘di ba? They’re both happy, we’re all happy. I’m happy. So, you know, we’re just enjoying our journey.”
Natanong naman ang aktres ukol sa kanyang non-showbiz boyfriend na si Andrew Kovalcin subalit ayaw nitong magbigay ng detalye. Nasa Amerika raw ito ngayon.
“Hindi in love, hindi na nga!” makahulugang sabi nito nang makumusta ukol sa lovelife.
“Ako kasi, I always believe, with or without, I am complete because I have Ceana, you know. I’m also grateful na I’ve experienced motherhood. So, hindi ako nagmamadali.
“I freezed my egg. If there’s another opportunity for me to have a baby, okay lang. Kasi, naka-freeze naman ‘yung egg ko,” sabi pa ni Vina.
