Buboy, Kokoy, Mikael  ipinagmamalaki mga ginawa sa Running Man PH

RATED R
ni Rommel Gonzales

TINANONG namin sina Buboy Villar, Kokoy de Santos, at Mikael Daez kung ano ang pinakamaganda o memorable nilang karanasan nang nag-shoot sila ng second season ng Running Man Philippines sa South Korea kamakailan.

Lahad ni Buboy, “Actually ang magandang memory po namin doon ay ‘yung mayroon kaming guests. Kasi hindi po namin in-expect ‘yung mga pangyayari.”

Sikreto pa kung sino ang celebrities na tinutukoy ni Buboy, na ang iba ay malamang mga Koreano.

“Hindi ko po masasabi sa inyo, pero gustong-gusto na po naming ipalabas itong ‘Running Man Philippines’ kasi sobrang nakaka-proud bilang isang artista po rito sa Pilipinas na maranasan po ‘yung ganoong pangyayari.

“Huwag po kayong mag-alala dahil kung ano po ‘yung sinasabi ko malalaman niyo rin po iyon. So abangan niyo po ‘yung mga guest.”

“Bukod po sa mga pina-experience sa amin na mga talagang never namin na-imagine na mae-experience namin sa South Korea bukod sa guests, ‘yung winter,” bulalas naman ni Kokoy.

“First [time], feeling ko tayong tatlo, ‘no, first,” sabay-baling ni Kokoy kina Mikael at Buboy na katabi niya sa mediacon ng Basta’t Sama Sama… Best Time Ever ng GMA.

“Lalo na ‘yung snow, first time kong maka-experience ng snow, at siyempre  ito pang show na ito ang nagpa-experience sa akin,” sinabi pa ni Kokoy.

“Dagdag lang ako sa kuwento ni Kokoy,” umpisang pahayag naman ni Mikael, “yung pinakamalamig na araw namin sa Korea was negative 22 degrees! 

“Sobrang lamig niya pero matutuwa kayo kasi nahirapan talaga kami pero masaya pa rin siya,” at natawa si Mikael.

Pagpapatuloy pa ni Mikael, “Part iyon ng challenge and dagdag ko lang din, actually hindi lang sa kanila pero a lot of people here nakatrabaho ko na rin and tama ‘yung sinabi ni Art eh, it’s a family and saktong-sakto nga ‘yung motto nila na ‘Best Time Ever’ kasi I’ve had a lot of really good times with everyone here.

“Well most of them some the others I’ve just met, sina Cheska, and then Angel, I just met her now, Matt.

“But I think doon sa ginagawa namin dito mag-e-enjoy talaga ‘yung mga Kapuso, ‘yung mga nanonood dahil totoong nag-enjoy kami, naging pamilya talaga kaming mga runner.

“And sa tingin ko, iyon ang naihatid namin doon sa mga pinaggagawa namin sa mga game, mga mission, and iyon din ‘yung feeling kong magiging parang strength nito, na matutuwa ‘yung mga tao dahil natutuwa talaga kami ng totoo, so iyon.”