HATAW! D'yaryo ng Bayan hatawtabloid.com
ALAM MO NA!
ni Nonie Nicasio
PANGUNGUNAHAN ni Vice Ganda ang listahan ng performers sa Rox Santos 15th Anniversary Concert na magaganap sa Music Museum sa November 10, 8:00 pm.
Kasama ni Vice na lalong magpapaningning sa espesyal na okasyon sina Erik Santos, Kyla, Juris, Maymay Entrata, Kakai Bautista, Sheryn Regis, Agsunta, Alexa Ilacad, Bini, Klarisse, Jeremy G, 1621BC, Anji Salvacion, Annrain, Bryan Chong, Cesca, Drei Sugay, KD Estrada, Kice, Khimo, Lyka Estrella, Trisha Denise, at ang surprise special guest na sa mismong araw ng concert ire-reveal.
Si Rox ang Label Head ng StarPop under ABS-CBN Music, siya ay isang mahusay na songwriter, producer, at hitmaker na nakalikha na ng higit sa 150 songs.
Siya ang sumulat ng mga hit song ni Vice Ganda na ‘Wag Kang Pabebe, Boom Panes, Push Mo Iyan Te, Boom Karakaraka, Rampa, at Corona Ba-Bye Na.
Kabilang sa hit songs ni Rox ang Amakabogera ni Maymay Entrata, Jaya’s Hanggang Dito Na Lang,
Michael Pangilinan’s Hanggang Kailan, Sana Ngayon Lang Ang Kahapon ni Angeline Quinto, mga theme song ng mga teleserye, pelikula, at marami pang iba.
Siya ay kilalang producer at composer din nina Enchong Dee, Kim Chiu and Daniel Padilla’s album DJP.
Plus Maymay Entrata’s album, MPowered at Belle Mariano’s album Daylight.
Ang gaganaping concert sa Nov. 10 ay masasabing isa sa career milestone ni Rox, kaya nagdesisyon siyang ipagdiwang ito sa Music Museum.
Aniya, “Kasi, hindi ba 15 years? So for me sobrang milestone sa career ko na umabot ako ng 15 years. So for me, sobra siyang blessings.
“So, I think, siguro naman ay parang… kailangan ko na rin i-celebrate kasi 15 years na siya, e. So, kailangan nating bonggahan at you know,
kailangan ko rin sigurong ipagyabang nang slight iyong na-achieve ko na ito sa music industry,” nakangiting wika ni Rox.
Ano ang feeling na malapit na niyang i-celebrate ito? “Sobra akong thankful and grateful sa mga taong sumusuporta sa akin, na along the way ay nandoon sila.
“Kasi, hindi lahat nabibigyan ng ganitong milestone, hindi lahat nabibigyan ng ganitong opportunity, so for me, sobra siyang blessing.
“That’s why I’m super thankful sa ABS-CBN, family ko na sila talaga, iyong sumuporta sa akin at nagbigay ng opportunity na marating ko itong milestone ng career ko,” masayang sambit ni Rox.
