Groom napisak sa dump truck

VIGAN CITY – Agad binawian ng buhay ang isang lalaking malapit nang ikasal, nang masagasaan ng dump truck sa national highway ng Brgy. Sacuyya, Santa, Ilocos Sur.

Kinilala ang biktimang si Michael Vincent Ramos, 22, residente ng Brgy. Barbar, San Juan.

Ayon sa ulat, lulan ng motorsiklo ang biktima at uunahan sana ang Mitsubishi Adventure nang huminto ang huli dahil sa kasalubong na dump truck na minamaneho ni Rolando Viernes. Bunsod nito, sumalpok siya sa kanang bahagi ng sasak-yan at tumilapon saka bumagsak sa harap ng dumptruck hanggang masagasaan.

(BETH JULIAN)