HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
BILANG pakikiisa sa National Clean Air Month Celebration ngayong taon magtatampok ang Clean Air Philippines Movement, Inc.. ang Anti-Climate Change event ng Dance Versus Climate Change (From the Philippines to the World) na eksklusibong mapapanood sa ALLTV channel 2.
Idineklarang National Clean Air Month ang November sa bisa ng Presidential Proclamation 1009 series of 1997 kasabay ang pagsasagawa ng isang contest para sa climate change awareness.
Sa pangunguna ni Dr. Michael Aragon, ang founding chairman ng Clean Air Philippines Movement, Inc. (CAPMI) at presidente ng Kapisanan ng Social Media Broadcasters ng Pilipinas, Inc. (KSMBPI), magaganap ito sa November 30, sa Scout Borromeo sa Quezon City na magsisilbi ring closing event ng month-long clean air month.
Ngayong taon, si First Lady Liza Marcos ang nahirang na “Champion” kahilera ang mga dati nang napili na sina Sen. Grace Poe (2016), Vice President Sara Duterte (2017), Sec. Art Tugade (2018), Sec. Roy Cimatu (2019), Sen. Manny Pacquiao (2020), Sec. Isidro Lapena (2021).
Ang Dance Versus Climate Change (From the Philippines to the World) ay magkakaroon ng Costume With Dance challenge na ang grand prize ay P30,000 na ipagkakaloob sa best dance na may full costume.
Lahat ng contestants ay rarampa sa kalye at sasayaw sa loob ng 25 minuto kasabay ang marathon judging. Ang best dance interpreter ng nasabing awit ay mananalo ng P30,000.
Ang cosplay contest na pagandahan ng costume ay makakatanggal ng P30,000.
Para sa costume contest maaaring mananalo ng P20,000 ang 1st place, P15,000 sa 2nd place, P10,000 sa 3rd place habang ang consolation prizes ay P2,000 at P1,000 each.
Ang sponsor ng event na ito ang ay Offshore Mining Chamber of the Philippines (OMCPI) na si Dr. Aragon din ang chairman, Philippines Gateway to the Blue Economy via Clean & Ggreen Offshore Mining Technology).
Ani Dr. Michael, “Ang OMCPI ay mining in the oceans that are the raw materials of electronics and renewable energy devices that the world needs to fight climate change. OMCPI is the pioneer in this technology in the Philippines.”
Samantala, ang Jazz Clean Air Band o Banda Makinis na Hangin ay magdaraos naman ng concert sa Nov. 30 kasama ang Clean Air Singing Ambassadors na sina Bb. Pilipinas Ali Forbes at Singing Diva Cess Cruz.
