Pangarap na maging doktor ni Richard Yap natupad

COOL JOE!
ni Joe Barrameda

NGAYONG Lunes ay magsisimula na ang afternoon teleserye na Abot kamay Na Pangarap. Bukod kay Jillian Ward ay kasama rito as lead stars sina Carmina Villaroel at Richard Yap gayundin si Dominic Ochoa na nasa GMA na rin. 

Una ito sa GMA na may medical aspect ang team. Doktora ang role rito ni Jillian. Si Richard naman ay may medical background dahil kumuha siya ng premed noong college although hindi siya nagpatuloy. 

Ayon kay Sir Chief, ibang Richard ang mapapanood natin dito kahit tungkol sa pamilya, love, at career ang tema. 

Ang dati kong anak-anakang si Jillian ay challenging ang role. Ipina-witness sa kanila ng live ang isang brain procedure sa isang ospital para matutunan nila ang role na gagampanan sa Abot Kamay ang Pangarap. Kaya mas lalong tumaas ang respeto niya sa mga doktor. 

Ito naman ang first project ni Dominic as caring boss ni Carmina na may secret feelings sa kanya. 

Bukod sa kanila ay marami pang sikat na artista ang kasali gaya nina Pinky Amador, Andre Paras, Chuckie Dreyfus, Sophie Albert, Denise Barbacena at marami pang iba.

Isang illiterate ang role ni Carmina na ang anak ay si Jillian na isa namang genius.  Dahil sa hirap kaya hindi ito nakapag-aral at lumuwas ng Manila para maging flower vendor.  Kaya hirap sila sa pag-aaral ni Jillian dahil sa kahirapan. Pero may tumulong kay Jillian dahil nakitaan nga ito ng galing at naging isang ganap na doktor.

Kaya maganda ang story nito at magugustuhan ng mga televiewer tuwing tanghali sa GMA 7 after Eat Bulaga.