HATAW! D'yaryo ng Bayan hatawtabloid.com
EMERGENCY LANDING ang ginawa ng isang fish cargo aircraft sa damuhang bahagi imbes sa runway ng Sangley Airport Kahapon.
Ayon kay Civil Aviation Authority (CAAP) spokesperson Eric Apolonio, ang naturang eroplano ay isang ATR aircraft BE58, may registry number RPC 5916 patungo sa Cuyo, Palawan para kumuha ng isda.
Ngunit nang makapag-take off ang nasabing eroplano ay napansin ng pilotong si Captain Jesse Bihasa at ng kanyang co-pilot James Patrick Bala na may problema ang right landing gear ng eroplano.
Dahil dito nagpasya ang piloto na ibalik ito sa Sangley airport dahil kompleto ang emergency facilities ng nasabing paliparan.
Sa kabutihang palad ligtas na nakalapag ang eroplano sa madamong bahagi ng airport runway.
Iniimbestigahan ng CAAP ang insidente. (RR)
