HATAW! D'yaryo ng Bayan hatawtabloid.com
ni ROSE NOVENARIO
HINILING ng isang grupo ng mga doktor sa Professional Regulation Commission (PRC) na tanggalin ang lisensiya ni anti-communist task force spokesperson Lorraine Badoy bilang manggagamot dahil sa red-tagging.
Sa kanilang reklamo, sinabi nilang nilabag ni Badoy ang code of conduct and ethical standards of the medical profession sa kanyang walang habas na red-tagging, hindi lamang sa kapwa niya health workers kundi pati sa iba pang miyembro ng ibang sektor.
“Her unfounded and baseless claims especially violate the principles of respect for life and for person, and expressly goes against the principle of doing no harm,” anila.
“Therefore, her actions of red-tagging are unethical, and cause substantial harm to the lives not just of the accused, but also their families and those they work with,” dagdag ng grupo ng mga doktor.
Itinuturing si Badoy ng mga complainant bilang ‘additional, unnecessary stressor’ sa health workers na hindi na nga magkandaugaga sa pagtugon sa pandemyang dulot ng CoVid-19.
“We believe that such conduct and words are deeply unprofessional and form part of behavior so unethical that she deserves the suspension, if not the outright revocation, of her medical license,” sabi ng complainants.
Kabilang sa mga naghain ng reklamo laban kay Badoy ay sina Drs. Eleanor Jara, Maria Magdalena Barcelon, Reynaldo Lesaca, Jr., Edelina de la Paz, Joseph Carabeo, Carol Araullo, Alexis Montes, Benigno Santi II, Ruben Caragay, Violeta Casiguran, Eduardo Gatchalian, Ana Maria Consuelo, Rizalito Ocampo, Edgardo Ulysses Dorotheo, Raymond Joshua San Pedro, Jamie Dominique Dasmariñas, at Merry Clamor.
