HATAW! D'yaryo ng Bayan hatawtabloid.com
HINDI kinatakutan ni Pinoy boxer at dating world title challenger Jonas Sultan ang karta ni Carlos Caraballo na may 14 wins sa 14 fights na humiga lahat sa lona ang kalaban.
Ipinakita ni Sultan ang tapang ng mga Pinoy nang pabagsakin niya ang Puerto Rican knockout artist ng apat na beses para manalo via unanimous decision. Sa panalong iyon ay nasungkit niya ang WBO Inter-Continental Belt na ginanap sa Hulu Theatre sa Madison Square Garden.
Nagpakita agad si Caraballo ng kanyang pambihirang bilis at tikas sa laban pero preparado si Sultan na huli siya sa second round para mapabagsak ng isang kanan. Nasundan Naulit ang paluhod sa canvas ni Caraballo sa third, sixth at ninth rounds. May isang knockown na ipinataw kay Sultan sa third na halos ng nakapanood ay naniniwalang walang tumamang suntok sa Pinoy boxer nang dumaiti ang kanyang glove sa canvas.
Sa pagtatapos ng laban, ibinigay kay Sultan ang panalo na may pare-parehong iskor na 94-93.
Nakabalik si Caraballo sa 7th at 8th round nang makatama ito ng mga power punch kay Sultan na halatang tumukod sa nasabing rounds. Pero nakuha ng Pinoy champ ang second wind paa pabagsakin uli sa 9th round si Caraballo.
Si Sultan na minsang tinalo ang kasalukuyang kampeon ng WBO bantamweight na si Johnriel Casimero ay nag-imprub ang record sa 18-5 na may 11 KOs.
