HATAW! D'yaryo ng Bayan hatawtabloid.com
NANINDIGAN ang Department of Transportation (DOTr) na mababawasan ang katiwalian sa kanilang service automation project.
Sinabi ni DOTr Secretary Arthur Tugade, isa sa pinakamatagumpay na proyekto ng ahensiya ang Drivers License Acquisition and Renewal Program.
Sa programa, natanggal ang pagpasok ng mga middleman at mas naging maayos at nabawasan ang ‘corrupt process’ sa pagkuha ng a driver’s license.
Sinabi ni Tugade, kung mas kaunti ang human contact sa pagitan ng tao sa at kanilang mga kliyente, mas magiging maayos ang proseso.
Sa ngayon, ipinagmalaki ng kalihim na maaari nang mai-renew ang lisensiya sa loob ng isa’t kalahating oras.
Ito rin aniya ang target ng gobyerno sa pagkakaroon ng Private Motor Vehicle Inspection Center (PMVIC) na mas makatitipid din ang mga magrerehistro ng sasakyan.
Sa paggamit ng PMVIC, nasa P400 ang babayaran ng motorista sa vehicle inspection at emission testing habang ang insurance policy ay nagkakahalaga ng P650.
Direktang isusumite sa LTO system ang PMVIC inspection nang walang dinaraanang ibang tao.
Sa pahayag ng isang motorista na si Mang Rey, mas malaki ang kanyang gastos kung didirekta sa LTO para sa renewal ng rehistro.
Kung sa Private Emission Testing Center (PETC), aabot ang carbon emission testing at motor vehicle insurance policy ng P1,100.
Habang sa proseso sa LTO, inabot ito ng P2,151 kasama ang P500 na sinasabing ibinigay sa LTO officer na nagsagawa ng manual visual inspection.
(JUN DAVID)
