Laguna barangay chairman niratrat sa clearing operations

HINDI nakaligtas sa tiyak na kamatayan ang isang kapitan ng barangay sa bayan ng Bay, sa lalawigan ng Laguna nang pagba­barilin ng apat na suspek na nakasakay sa dala­wang motorsiklo, nitong Linggo ng umaga, 31 Enero.

Sa ulat mula sa Bay police station, kinilala ang biktimang si Arnold Martinez, 54 anyos, kasalukuyang kapitan ng Barangay Tranca, sa naturang bayan.

Nabatid na ilang ulit binaril si Martinez ng mga armadong suspek na naka­sakay sa dalawang motor­siklo habang nasa tabing kalsada dakong 9:20 am.

Napag-alaman kina­launan, pinamumunuan ng biktima ang isang road clearing operation nang atakehin ng mga suspek.

Agad tumakas ang mga suspek matapos ang pamamaril habang dinala ang biktima sa paga­mutan ngunit idine­klarang dead on arrival, ayon kay P/SSgt. Reden Cad­sawan, imbestigador ng kaso.

Narekober ng puli­sya ang ilang basyo ng bala mula sa kalibre .45 at 9mm mga baril sa pinangyarihan ng insi­den­te.