HATAW! D'yaryo ng Bayan hatawtabloid.com
HATAW sa trending topics sa Twittter ang hashtag na #PauloAvelino nitong nakaraang mga araw.
Nang buksan namin ang comments thread, tumambad ang screen shot ng isang lalaking umiihi. Ayon sa ilang netizens, eksena umano iyon sa filmfest entry na Fan Girl na pinagbibidahan ni Paulo.
Mahirap nga lang paniwalaan kung si Paulo nga ang lalaking ‘yon. Wala kasing ulo at sa kargada nakasentro ang kuha.
Napansin naman ng ibang netizens ‘yung kulay ng balat ng lalaki. “Bakit maitim? Flawless si Paulo, ‘di ba,” komento ng netizen.
Kung si Paulo nga o hindi ang lalaking umiihi, napukaw ang atensiyon ng manonood dahil ayon sa reports ng kita sa streaming ng festival entries, nangunguna sa sampu ang pelikulang Fan Girl.
Kasunod nitong kumikita ang Mang Kepweng ni Vhong Navarro, ang horror movie na The Missing ng Regal, at ang Pakboys Takusa ng Viva Films.
Ayon sa impormasyon, may sales report ang Upstream sa income na pumapasok sa entry na pinanonood.
Hanggang January 7 pa ang MMFF at kahapon ang virtual awards night.
May umaangal na kampo nga lang sa nominees dahil naisnab ang ilang aktor at director sa kanilang kategorya, huh!
I-FLEX
ni Jun Nardo
