Pokwang at Kyline, binanatan ang anak ng pulis na namaril  

DAWIT sa kontrobersiya ang anak ng pulis na bumaril sa mag-ina sa isang lugar sa Paniqui, Tarlac nitong nakaraang mga araw.

      

Kinondena ng ilang celebrities gaya nina Maine Mendoza, Angel Locsin, Jennylyn Mercado at iba pa ang pagpaslang  sa mag-ina.

      

Sa panig naman nina Pokwang at Kyline Alcantara, binanatan nila ang anak ng pulis na nasa scene of the crime.

      

“No, hija. Your father is a criminal, and you’re a little spoiled brat that knows how to speak English, but doesn’t know right manners. NAKAKAGALIT! SOBRA. Ang sakit sa puso. #STOPTHEKILLINGS,” tweet ni Kyline.

      

Tweet naman ni Pokwang, “Sa batang anak ng pulis na namaril sa mag-inang Sonya at Frank, ija hindi ako galit sayo bagkus naaawa ako sayo kung paano ka pinalaki at inaruga ng iyong mga magulang, magmula sa sinapupunan palang ng iyong ina sigurado akong marami silang pangarap para sayo, so paano na? Ano na? ”

I-FLEX
ni Jun Nardo