HATAW! D'yaryo ng Bayan hatawtabloid.com
HUMINGI ng paumanhin si Pangulong Rodrigo Duterte sa Diyos kaugnay ng kanyang mga naging pahayag kontra sa Maykapal.
Sa pulong kagabi ni Pangulong Duterte kay Jesus is Lord (JIL) founder Eddie Villanueva, ipinaliwanag ng Punong Ehekutibo ang konteksto ng kanyang pahayag kaugnay sa Diyos.
“Sorry God! I said sorry God! If God is taken in a generic term by everybody listening, then that should include. But my concept of God, when it is put at stake with the other people using the name of God in vain,” ani Duterte.
Paliwanag ng Pangulo, ang hindi niya nagustuhan ay paggamit ng iba sa pangalan ng Diyos para atakehin ang gobyerno.
“Remember that there is a division between church and state. You can criticize us anything at all…but never, never use the name of God as a front to attack government because that is not the proper way to do it,” wika niya.
Tumagal nang dalawang oras ang pulong nina Pangulong Duterte at Villanueva kamakalawa ng gabi sa Malacañang.
Binigyan diin ng Pangulo, sa Diyos lang siya hihingi ng sorry at tiyak na pinatawad na siya ng Panginoon dahil “forgiving” ang kilala niyang Diyos.
“I only apologize to God, nobody else. I wronged God then he would be happy to listen to my apology. Why? Because my God is all forgiving. Why? Because he does not remember past hurts. Why? Because God created me to be good and not to be bad,” dagdag niya.
Isa si Villanueva sa mga pumuna kay Duterte nang tawagin na estupido ang Diyos at nanawagan na magpahayag ng public apology ang Punong Ehekutibo.
(ROSE NOVENARIO)
