Aktor sugatan, 1 pa patay sa tandem

MASUSING iniimbestigahan ng Pasig City Police kung may kaugnayan sa ilegal na droga ang pagbaril sa aktor na si John Wayne Sace at kasamahan niya kamakalawa ng gabi sa lungsod ng Pasay.

Patuloy na inoobserbahan sa Rizal Medical Center si Sace na tinamaan ng bala sa bewang makaraan barilin ng riding-in-tandem sa Brgy. Sagad, Pasig City.

Habang binawian ng buhay ang kasama ng aktor na si Erik Sabino.

Ayon kay Pasig City Police chief, Senior Supt. Orlando Yebra, naghihintay sina Sace at Sabino sa kanilang kaibigan nang dumaan ang mga suspek at pinagbabaril ang mga biktima.

Ayon kay Yebra, ang aktor at si Sabino ay nasa drug watchlist ng barangay.

Si Sace ay dating miyembro ng dance group na Anime, naging bahagi ng mga pelikulang Dekada 70, Kutob, Don’t Give Up On Us, at Matakot Ka sa Karma.

Naging tampok din noon si John Wayne sa ilang TV series ngunit tatlong taon nagpahinga sa showbiz at noong nakaraang taon lang nakabalik muli.

Una nang inamin ng aktor na siya ay gumamit ng ilegal na droga dahil sa mga problema.