GMA female singers, nagsisipag-alsa-balutan na
PARANG nakaaalarma na halos lahat ng magagaling na female singers ng GMA 7 ay nagsisilipatan na sa ABS-CBN. Parang nagkaroon ng mass transfer.
Unang lumipat si Kyla, sumunod si Jonalyn Viray na ginawang Jona ng Dos at ngayon naman ay si Jaya.
Bakit kaya nagkaganoon?
Si Regine Velasquez na lang ang natitira sa kanila.
Eh mabuti si Regine, binibigyan ng sariling programa, binibigyan ng acting and hosting programs, ang iba waley. Kailangan siyempre ng iba na magkaroon ng regular income lalo na’t matagal nang wala ang SOP.
Pero in fairness naman sa tatlo, naging super loyal naman sila sa GMA. Talagang nagtagal sila sa estayon at ang pinakamatagal sa kanila ay si Kyla na napasama pa sa last batch ng That’s Entertainment talents bilang si Melanie Canlupad. Sa tantiya ko, nag-stay si Kyla sa GMA 7 ng almost 22 years.
Sumunod si Jaya na naka-20 years na rin sa GMA and si Jonalyn o Jona ang pinakahuli. Siguro naka eight to 10 years na rin siya sa GMA bago lumipat ng Dos.
Si Jaya ay isinalang sa Tawag ng Tanghalan ng It’s Showtime bilang hurado.
MAKATAS – Timmy Basil
