Cebu mayor kinasuhan sa kontrata pabor sa misis?

SINAMPAHAN ng graft charges ng Office of the Ombudsman si incumbent mayor Ronald Allan Cesante ng Dalaguete, Cebu makaraan aprubahan ang ‘contract of lease’ ng apat na commercial units para sa kapakinabangan ng kanyang asawa.

Batay sa pitong pahinang kautusan, kinatigan ni Ombudsman Conchita Carpio-Morales ang probable cause para idiin si Cesante sa paglabag sa Anti-Graft and Corrupt Practices Act at Revised Penal Code.

Bagama’t naghain ng mosyon ang alkalde, agad itong ibinasura dahil sa kakulangan ng merito.

Batay sa imbestigasyon, ang maybahay ng alkalde ang gumagamit ng commercial space na sakop ng munisipalidad ng Dalaguete.

Habang noong 2007 ay lumagda ng lease contracts si Cesante para paboran ang kanyang ginang.

Dito ay natuklasan na walang approval ng Sangguniang Bayan ang pinasok na kontrata ng naturang alkalde.