Office of the President kasado na sa transition

NANINIWALA si Executive Sec. Paquito Ochoa, magiging maayos at magaling na kapalit niya si Atty. Salvador Medialdea sa Duterte administration.

Si Medialdea ay personal lawyer ni incoming President Rodrigo Duterte at napipintong maging Executive Secretary simula Hunyo 30.

Sinabi ni Ochoa, sa kanyang pagkakakilala, mabait, simple at magaling na abogado si Medialdea.

Ayon kay Ochoa, nagpagawa na siya ng matrix ng records at mga programa sa Office of the President para sa maayos na transition sa Duterte administration.

Naniniwala si Ochoa, maaaring nag-iingat at may delicadeza ang grupo ni Duterte kaya hindi minamadali ang transition process habang hindi pa naipoproklama ang bagong presidente.

50% sa 2015 kita ng GOCCs naisumite na kay PNoy

PINANGUNAHAN ni Pangulong Benigno “Noynoy” Aquino III ang ceremonial remittance ng dibidendo ng government-owned and controlled corporations (GOCCs) sa Malacañang.

Ngunit nitong nakaraang Pebrero, inamyendahan ng Department of Finance (DoF) ang implementing rules and regulations ng nasabing batas, na ipinatataas ang remittance ng GOCCs nang mahigit sa 50 porsiyento ng kanilang kita.

Ginawa ang seremonya dakong 1 p.m. at kasama ni Pangulong Aquino si Finance Sec. Cesar Purisima at mga opisyal ng GOCCs.

Magugunitang noong nakaraang taon ay P36.86 bilyon ang naibigay ng GOCCs sa national government.

Pinakamalaking dibidendong naibigay sa national government ay mula sa PAGCOR na nagkakahalaga ng P10.137 bilyon, pangalawa ang Land Bank of the Philippines (LBP) na umabot sa P6.254 bilyon, at pangatlo ang Bases and Conversion Development Authority (BCDA) na nakapag-remit ng P3.201 bilyon.