Sharon, Ogie kinuwestiyon ng netizens pagkatsugi ni Rufa Mae sa YFSF

HINDI man talaga singer pero marami pa rin ang nagsasabing kung wala si Rufa Mae Quinto sa Your Face Sounds Familiar, laglag at wala raw kuwenta ang show.

Iyan ang paniniwala ng fans ni Peachy (tawag kay Rufa Mae) na nagsasabing deserve nito ang makakuha ng mas mataas na score on last Sunday’s episode.

“Kung kailan siya nagparinig ng magandang boses niya, ng maayos na performance, parang hindi ‘yun ang nakita ng judges. Anong klase bang judge iyang sina Ogie Alcasid at Sharon Cuneta?” ang muling hanash ng fans kontra sa dalawa. 

Ang dalawa kasi ang previous na sinasabing nang-okray kay Peachy after nitong magpamalas ng husay sa impersonation nito kay Kitchie Nadal. 

Well, in every show naman talaga ay laging may ganoong pangyayari at naniniwala kaming healthy ang mga ganitong komento o opinyon.

Alam din naming ready at tanggap ng judges gaya nina Ogie at Shawie ang mga bashing ng fans.

Pero agree rin kami na kung wala si Rufa Mae sa show, lackluster nga ito at kulang sa saya at halakhak, or none at all.