HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez
NAGSAMPA sa NBI–Cybercrime Division nitong Lunes, February 16, ang actress-beauty queen na si Michelle Dee ng cyber libel complaint laban sa self-proclaimed Pambansang Marites na si Xian Gaza.
Wala pang detalye kung ano ang dahilan ng reklamo ng beauty queen pero posibleng konektado ito sa kontrobersiya na muling sumiklab sa social media.
Isa sa sinasabing dahilan ng pagkakaso ay nang maglabas si Xian ng isang blind item na ikinonekta ng netizens kina Michelle, Rhian Ramos, at Samantha Panlilio kamakailan.
Sa item na iyon, tinukoy umano ang isang beauty queen na may ka-threesome, at sinabing ito ay sina “S” at “R.”
Pero giit ng aktres/beauty queen, “The point is hindi dapat i-normalize ang pagsasalita niyon sa mga babae. I think we should respect women’s rights and privacy.”
Kasama ni Michelle na nagtungo sa NBI ang kanyang abogadong si Atty. Maggie Garduque“
Maliban kay Xian, tatlo pang Facebook page ang sinampahan ng reklamo kaugnay ng umano’y pagpapakalat ng fake news tungkol sa kanya.
Kabilang umano rito ang pekeng balita na tumakas na si Michelle at pumunta na sa ibang bansa.
