John nasaktan nang matanggap desisyon sa divorce nila ni Priscilla

PUSH NA’YAN
ni Ambet Nabus

NGAYONG diborsyado na si John Estrada, puwede na raw nitong ilantad ang bagong GF nito, ayon iyan sa mga netizen na sumusubaybay sa lovelife ng aktor.

Sa naging reaksiyon ni John sa divorce decision na nakuha ni Priscilla Meirelles mula sa Brazil, mukha namang nasaktan ang aktor at tila hindi ready sa natanggap na balita.

Ayon pa sa mga balita, ang ego ni John ang tila naapektuhan habang sa side ni Priscilla ay sinasabing “sinisisi rin nito ang sarili” sa naging mga desisyon niya noon.

Aabangan natin ang mga susunod na kabanata sa usaping ito dahil sa aming pagkakatanda, hindi talaga pabor o pumapayag si John sa usaping nabanggit.

‘Yun nga lang, nagawa ito ni Priscilla.