HATAW! D'yaryo ng Bayan hatawtabloid.com
MATAPOS ang mahigpit na bakbakan, limang entries ang umangat sa naganap na prestihiyosong 9-cock derby sa Smart Araneta Coliseum. Ang mga kampeon ay pinarangalan sa ginanap na awarding ceremony kahapon, 5 Pebrero sa World Kitchens, Gateway Mall 2.
Co-champion sa nasabing derby ang combined entries nina Rod Advincula/Tata Rey Briones/Tony Kho (GREENGOLD SPRTN-2), Don Guam/Nad Mendoza (V Boyz NM), Jonarie Fortaleza/Robert Santiago (Rueda 5 Gallera De Legaspi-1), Biboy Enriquez (FIREBIRD ANGELS), matapos maka-iskor nang tig-walong panalo at isang talo sa pagtatapos ng unang edisyon ng 2026 World Slasher Cup 9-Cock Invitational Derby Linggo ng gabi.
Co-champion din sa nasabing torneo ang combined entry nina Pep Goitia at Alvin Arañez (ALAB 2028-RED 2 FEB/24 S YNARES), na nakapagtala ng kaparehong iskor sa pre-finals Sabado ng gabi, 31 Enero.
Naging runner-up sina Art De Castro (THUNDER KIDS) at Ito Ynares (YNARES COLISEUM FEB 17 6-COCK SA NCA TRADITIONAL) na parehong nakapagkamit ng 7.5 points.
Samantala, anim na entry —DARPY, PDJ PITMASTER CUP 11-COCK FEB 4, 7, 11, & 14 SA MANILA ARENA SIGAWAN ALL THE TIME, BLUE ANGELS A, SWING AM STAR V22, JMW INFINITI 8, at FUJI DELIGHT/LUKD KIANA 33-KNP — ang nagkamit ng 7 points sa pagtatapos ng nasabing torneo.
Nakapag-uwi ng tig-6.5 points ang SF JCAR EBROS D’ JOBAC-1, DOUBLE MANNY, GOLDEN C at THUNDERBIRD-V.
Nasa 92 soltada mula sa 46 entries ang nakipagbakbakan simula 1:00 pm nang walang tigil na sagupaan na umabot hanggang madaling araw ng Martes.
Kilala bilang “Olympics of Cockfighting,” ang World Slasher Cup (WSC) ang pinakaprestihiyosong international derby na ginaganap dalawang beses sa isang taon sa makasaysayang Smart Araneta Coliseum sa Quezon City. (HNT)
