Winwyn plano ring sumabak sa politika

SHOWBIZ KONEK
ni Maricris Valdez

HINDI na kami nagtaka nang mabanggit minsan ni Winwyn Marquez nang minsang makausap namin ito na posibleng sumabak din siya sa politika katulad ng kanyang mga magulang na sina Joey Marquez at Alma Moreno.

Dating mayor ng Paranaque si Joey samantalang naging konsehal naman ang kanyang inang si Alma ng Paranaque.

Kaya sakaling pasukin ng beauty queen ang politika hindi na kataka-taka dahil mula siya sa isang political clan kaua nasa dugo niya ang pagiging public servant.

Sa kasalukuyan, barangay kagawad si Alma sa Tambo, Parañaque habang ang anak niyang si Yeoj Marquez ay konsehal sa 1st District ng Parañaque.

Very proud si Winwyn sa kanyang ina. At buong pagmamalaki ang ginagawang pagtulong ng kanyang ina, malaki man o

maliit ang posisyon niyon.

“Kahit na kagawad siya, she’s making a difference. And that’s very admirable. Kahit na, alam naman natin ‘yung mga pinagdaanan niya before, but her heart really belongs to helping other people,”

sabi ni Winwyn.

Ipinagmalaki rin ni Winwyn ang pagiging totoong tao ng kanyang ina.

Nalaman naming dating SK (Sangguniang Kabataan) si Winwyn pero iginiit na hindi muna para sa kanya ang politika sa ngayon.

“Kailangan ko muna talagang matutunan kung ano ba talaga ang government,”

anito.

Basta sa ngayon tumutulong siya sa iba’t ibang organisasyon sa paraang kaya niya. 

“I don’t need a position now to help, sa abot ng mga makakaya, tumutulong naman ako. If the time comes that maybe magpa-politics ako then why not but now, I’ll help in ways that I can,” wika pa ng magandang aktres.

Ukol naman sa muling pagsabak niya sa beauty pageant hindi niya isinasara ang pintuan. Kaya abangan na lang.