HATAW! D'yaryo ng Bayan hatawtabloid.com
MATABIL
ni John Fontanilla
NAG-UPDATE ang isa sa bida ng Viva One series, Hell University na si Lance Carr sa nawawala niyang cellphone gamit ang Find my Phone app na nasa Shenzhen, Guangdong, China na iyon ngayon.
Biro nga ni Lance, mabuti pa ang cellphone niya nasa China samantalang siya ay hindi pa nakararating sa nasabing bansa.
Kuwento pa ng actor na una niyang nalaman na dinala sa Greenhills ang cellphone niya bago napunta sa China.
Tsika nga nito, “Ang update sa cellphone ko, nasa Shenzhen, Guangdong, China na po siya ngayon. Nag-mall stop muna siya sa Greenhills bago pumunta ng China.
“Noong unang-una po talaga, nasa Greenhills siya.
“Pero I mean, sino ba naman ang aamin kung iisa-isahin ko ‘yung mga cellphone store roon. So binalewala ko na lang. I buy a new one.
“Noong nakita ko na bagong location niya, nasa China na siya.”
At nang matanong ito kung nag-aalala ba ito na baka may sensitibong video na naka-save sa kanyang phone ay mabilis na sinabi nitong hindi siya nababahala, dahil wala naman siyang sensitibong video sa phone.
Hindi na raw nito inaalala ang nawawalang cellphone dahil nakabili na siya ng bago.
Anyway, isa si Lance sa aabangan sa Viva One series na Hell University kasama sina Heart Ryan at Zeke Polina gayundin sina Aubrey Caraan, Andre Yllana, Gabbi Ejercito, Derrick Ong, Jac Abellana, Jastine Lim, Keagan De Jesus atbp. Sa direksiyon ni Bobby Bonifacio, Jr. at mapapanood na sa February 6.
