HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez
NAKAGUGULAT. Sinong mag-aakalang ang isang siyam na taong gulang ay makapagsusulat ng isang magandang awitin at tungkol pa sa pag-ibig.
Pero iyon ang totoo. Naipakita agad ni Love Kryzl ang husay sa pagsulat/pag-compose ng kanta sa pamamagitan ng Kayong Dalawa Lang na isang ode sa devotion, partnership, at pagpili sa isa’t isa araw-araw.
Si Love Kryzl ay ang batam-batang CEO at presidente ng Purple Hearts at sa murang edad kitang-kita rito ang interes sa pagpapalakad ng kompanya gayundin sa pagko-compose ng mga awitin. Opo mga awitin dahil hindi una at huli ang Kayong Dalawa Lang.
Tiniyak ni Love Kryzl na masusundan pa ang Kayong Dalawa Lang nanagmamarka ng isang kapana-panabik na bagong kabanata para sa mang-aawit. Ang bagong labas na track na nilikha sa ilalim ng Purple Hearts Production ng Kryzl Group of Companies ay nagsisilbing musical tribute rin sa nalalapit na kasal nina Kiray Celis at Stephan Estopia.
Ilang araw nang napag-uusapan ang Kayong Dalawa Lang na music video ng soon to be husband and wife na sina Kiray Celis at Stephan Estopia.
Multi-talented si Love Kryzl na nakitaan ng hilig sa pagkanta kaya naman napag-usapan ito ng kanilang pamilya na bukod sa negosyo nilang Purple Hearts Vitamins ay bakit hindi nila pasukin ang recording.
At itinayo na nga ang Purple Hearts Production, ang in-house company ng Kryzl Group of Companies at si Love Kryzl nga ang una nilang artist na planong magkaroon ng concert sa 2026.
Sakto ang lyrics ng Kayong Dalawa Lang sa mga ikakasal dahil kuwento ito ng pagmamahalan, kasiyahan, at mga hindi maiiwasang pagsubok o tinatawag na wedding jitters pero siyempre mas nanaig ang pagmamahalan.
Naibahagi ni Love Kryzl na napagod siya sa paggawa ng music video. Aniya, ”It is a bit tiring, but it’s fun. And I enjoyed the place, Las Casas. There’s so many historical place there.”
Naka-nfluence kay Love Kryzl sa kanyang hilig sa musika sina Taylor Swift, Blank Pink, Katseye, atBINI
