Manilyn type gumawa ng possessed movie: nakakita na kasi ako ng ganoon

MA at PA
ni Rommel Placente

ISA si Manilyn Reynes sa bida sa isang episode ng SRR: Evil Origins, isa sa entry sa Metro Manila Film Festival 2025. Co-star niya rito si Richard Gutierrez. 

Hindi ito ang first time na nagkatrabaho ang dalawa. Nagkasama na sila noong 1990 sa pelikulang Feel na Feel na pinagbidahan ni Manilyn.

That time ay teen-ager pa lang siya while si Richard ay 6 years old pa lang.

“Sabi nga ni tita Annabelle, ‘first time ninyo ba ni Richard magkatrabaho?’ Sabi ko, ‘Hindi tita. First time noong maliit siya. Ngayon malaki na siya, ako na ang maliit,’” natatawang sabi ni Manilyn.

Dahil horror ang nasabing pelikula, kaya tinanong ang beteranang aktres kung anong nakatatakot na role ang gusto niyang gawin. 

Ang sagot niya, ‘“Yung na-possess (ng masamang espiritu).

“Kasi unang-una, nakakita na ako ng totoong nangyari na ganoon.

“Pero mapatutunayan mo rin na Diyos talaga at love sa family ang makatatalo roon,” sabi pa ni Manilyn.

Nakakailang franchise na rin ang Shake, Rattle & Roll. Pero marami sa mga nakapanood ang nagsabi, na ang episode ni Manilyn sa SRR 2 na Aswang ang talagang pinakatumatak sa kanila at natakot sila.

“Kahit ako sobrang natakot din doon,” wika ni Mane.

Showing na sa December 25 ang SRR: Evil Origins. Mananakot ngayong Pasko si Manilyn.