HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez
TULOY na tuloy na ang kasal ni Kiray Celis sa kanyang fiance na si Stephan Estopia sa December.
Ito ang ibinahagi ng aktres, entrepreneur sa paglulunsad ng kanyang mga produktong Hot Babe Green and Skin Vibe by Kiray’s Brands noong Miyerkoles sa Plaza Ibarra.
Ayon kay Kiray siya mismo ang nag-ayos ng kanyang kasal mula sa mga damit pangkasal nilang isusuot ni Stephan, sa venue, reception ng wedding, hanggang sa pagpa-finalize ng listahan ng invited guests.
Sa isang simbahan sa Manila gagawin ang kasal at talaga namang star-studded ang listahan ng mga ninong at ninang.
Paliwanag ni Kiray ukol sa mga kinuha nilang ninong at ninang, personal niyang
kinausap ang mga ito at pawang mga ka-close talaga niya ang mga kinuhang gagabay sa kanila.
Kabilang sa mga ninong at ninang sina Maricel Soriano, Sharon Cuneta, Dingdong Dantes at Marian Rivera, Vice Ganda, Ai Ai delas Alas, Eugene Domingo, Gabby Concepcion.
“I only wanted people who became part of my journey,” esplika ni Kiray ukol sa mga kinuha niyang ninong at ninang. “Lahat sila may kontribusyon sa pagkatao ko.”
Inamin naman ni Kiray na napakagastos lmagpakasal. Ang budget lang dapat nila P500,000 subalit habang tumatagal, lumalaki.
Mabuti na lang at marami ang tumutulong sa kanila at ang iba ay nag-volunteer na sasagot sa ilang kakailanganin nila sa wedding.
“Hindi ko pa alam kung ano ang ibibigay nila (ninong/ninang) nakahihiya naman, alangan i-advance na nila o ito po bank account ko,” natatawang sabi ni Kiray.
Sa Amanpulo naman ang kanilang honeymoon.
Sa kabilang banda, super payat na ngayon si Kiray at bagay na bagay maging CEO ng Kirays Brand na wala pang isang taon ay nakapagbenta na sa mahigit 400,000 katao sa TikTok.
Kasama sa Skin Vibe line ang Singova Bleaching Scrub at Pwettura Bleaching Cream. Kasama rin ang Hot Babe Green Pistachio Matcha at Green Lemon Grass Pandan na nagpapayat at mas nagpaganda ng kutis ng aktres.
Ang Singova Bleaching Scrub ay para sa gentle exfoliation at smoother skin at ang Pwettura Bleaching Cream naman ay para sa skin brightening at even complexion.
Ang Lemongrass Pandan ay nagpo-promote ng detoxification at cleansing at ang Pistachio Matcha ay nagsu-support ng wellness at weight management.
