Ivana Alawi ‘di naging pasaway sa shoot ng SRR: Evil Origins— Roselle Monteverde 

SHOWBIZ KONEK
ni Maricris Valdez

WALANG katotohanan ang kumakalat na balitang pasaway si Ivana Alawi sa shooting ng pelikulang Shake, Rattle, and Roll: Evil Origins. Kumbaga napakalaking fake news ito!

Isa ang Shake, Rattle and Roll; Evil Origins sa official entry ng Metro Manila Film Festival 2025  mula Regal Entertainment at isa si Ivana na bibida sa isang episode kasama sina Richard Gutierrez at Dustin Yu.

Ang paglilinaw ay nag-ugat sa kumalat na chika sa social media na na-delay umano ang shooting ng pelikula dahil sa pagiging unprofessional daw ng dalaga.

Na-bash nang bonggang-bongga si Ivana at pinagsalitaan ng masasama ng mga netizen.

Kaya agad naglabas ng official statement ang Regal Entertainment hinggil sa isyu at mariing pinabulaanan.

Paliwanag ng Regal producer na si Roselle Monteverde, napaka-professional ni Ivana at walang ipinakitang hindi maganda habang nagsu-shoot.

May pagkakataon pa raw na tapos na ang shoot at nanghingi pa ng isang araw na additional ang production sa aktres at agad namang itong pumayag.

Sinabi pa ng Regal ng never ding na-late ang aktres sa mga araw ng kanilang shoot. Sobra ring sipag nito at talagang naka-focus sa pagtatrabaho.

Narito ang kabuuang statement ng Regal.

“Regal Entertainment, Inc. clarifies that recent online posts about the production of Shake, Rattle & Roll: Evil Origins and false claims involving Ms. Ivana Alawi are entirely untrue.

“The film’s production proceeded smoothly and wrapped on schedule, with Ms. Alawi demonstrating utmost professionalism and dedication throughout.

“Shake, Rattle & Roll: Evil Origins is a 100% Regal Entertainment, Inc. project — developed, produced, and financed solely by the company.

“We urge the public to avoid engaging with unverified information and to rely only on Regal Entertainment’s official pages for accurate updates.”