HATAW! D'yaryo ng Bayan hatawtabloid.com
NAPILING isa sa mga flag bearers ang Filipina wushu gold medalist na si Agatha Chrystenzen Fernandez Wong 27 taong gulang at ang wakeboarder na si Raphael Trinidad, sa gaganaping The World Games 2025 na magsisimula sa Agosto 7 hanggang 17 sa Chengdu, China.
Si Wong ay limang beses na gold medalist sa Southeast Asian Games at dalawang silver medal sa World Wushu Championships.
Ang Team Philippines ay binubuo ng 22 indibidwal na atleta at dalawang pambansang koponan na lalaban sa 24 na kaganapan sa 11 sports na kabilang ang billiards, wushu, waterski, wakeboard, muaythai, sambo, powerlifting, kickboxing, jiujitsu, floorball, duatlhon, at dragon boat.
Sina Jeffrey De Luna at Chezka Centeno ay tutumbok sa (billiards), John Rey Barca at Lealyn Baligasa (canoe), Joyce Reboton (powerlifting), Merry Joy Trupa at Franklin Yee (duathlon), Aislinn Yap (sambo), Raphael Trinidad (wakeboarding), Agatha Wong at Jones Inso (wushu), Annie Ramirez at Kaila Napolis (jiu-jitsu), Hergie Bacyadan (kickboxing), at Rudzma Abubakar (muay thai). (HENRY TALAN VARGAS)
