Lloydie emosyonal, tagos sa puso mensahe sa anak noong Father’s Day

MA at PA
ni Rommel Placente

NOONG nakaraang Father’s Day, last Sunday, ay nagbiday ng message si John Lloyd Cruz para sa kanyang anak na si Elias.

Emosyonal at tagos sa puso ang Father’s Day message ng aktor para sa anak.

Sa pamamagitan ng Instagram, ibinahagi ni Lloydie ang nararamdaman bilang tatay sa anak nila ng dating partner na si Ellen Adarna 

kasabay ng pagdiriwang ng Araw ng mga Tatay.

Sey ng aktor, araw-araw ay ipinaglalaban niya si Elias at handa siyang mamatay para lamang sa kapakanan nito.

“Happy father’s day sa atin anak. salamat dumating ka at pinatunayang pwede maging buo bagamat hindi magkasama.

“Araw-araw, pinaglalaban ‘ko. Araw-araw kaya ko mamatay para sa’yo. salamat anak. wala na ‘kong mahihiling pa bilang ama. enjoy ka today,” bahagi ng IG post ni John Lloyd.

Dagdag pa niya, “HFD to us. Happy father’s day sa lahat ng mga amang hindi sumusuko sa pamilya. Inspirasyon kayo sa aming mag-ama.”

Binati rin ni Lloydie ang kanyang tatay, “Hanep na buhay to, salamat po walang uri ng tagumpay, parangal, kapangyarihan tatapat dito.

“Ito ang success sa tulad ko. Salamat sa erpat ko, kundi sa kanya, wala itong larawan na ‘to. Happy father’s day Daddy.

“This is our best year, paboritong biyaya ko ang makasama ka at makakwentuhan kahit minsan. Salamat nandyan ka. Salamat hindi ka madrama,” mensahe pa ng aktor sa ama para sa Father’s Day.