HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez
NASA pangangalaga na ng All Access to Artists (Triple A) Management si Miles Ocampo. Noong Martes, Abril 22 ginanap ang contract signing sa Lola Ote kasama ang mga big boos na sina Direk Mike Tuviera (President and CEO), Jojo Oconer (CFO and COO), at Jacqui Cara (Head of Operations and Sales).
Sobrang saya ni Miles sa contract signing at panay ang sabing first time niyang maranasan ang ganoon.
Ayon sa aktres, “I’m just very grateful. Sobrang saya ko na mapabilang sa Triple A. Alam kong marami pa akong matututunan at mae-experience rito.”
Bale kapatid na ni Miles sa Triple A sina Marian Rivera, Maine Mendoza, Carla Abellana at marami pang iba.
Ayon kay direk Mike, pamilya na ang turing nila kay Miles na siyang itinuro rin ng kanyang amang si Tony Tuviera sa lahat ng katrabaho.
Ukol naman sa plano nila kay Miles sinabi nitong, “Mayroon kaming series na gagawin for Netflix. Iibahin namin sa daily niyang ginagawa sa ‘Bulaga.’
“At dahil magaling din sa drama, soon, gagawa kami ng movie para sa kanya,” wika pa ni Direk Mike.
Ito rin kasi ang gusto ni Miles, ang mas maipakita pa ang galing niya sa acting lalo na sa pagda-drama.
“Sa ngayon po, sobra ko pong nami-miss ang pag-arte. At siguro po, baka akala ng iba, hindi ako allowed na tumanggap ng acting project dahil may daily ako na ‘Eat Bulaga,’ nagawa ko nga po ang ‘Padyak Princess’ at naging okay naman po ang lahat,” anang aktres.
Hindi naman sinabi ni Miles ang dahilan ng pag-alis sa management ni Maja Salvador pero iginiit nitong grateful siya rito sa mga oportunidad at naitulong sa kanyang career.
Araw-araw pa ring napapanood si Miles sa Eat Bulaga.
Ukol naman sa kanyang health sinabi nitong lifetime na ang kanyang maintenance medication, pero cancer-free na siya.
