Sheryl sunod-sunod pagkilalang natatanggap

MA at PA
ni Rommel Placente

SUNOD-SUNOD ang acting awards na natanggap ni Sheryl Cruz mula sa iba’t ibang award giving bodies noong nakaraang taon.  

Ang ilan sa mga ito ay ang Outstanding Actress in Drama Series sa 5th Philippine Faces of Success,  Best TV Actress of the Year sa Gawad Dangal Awards, Best TV Actress of the Year sa 9th Asia Pacific Luminare Awards, Distinct TV Actress of the Year sa  Distinct Men & Women of Excellence,Most Outstanding Actress of the Year sa Global Excellence Leadership Awards, at Actress of the Year & Hall of Fame sa Diamond Excellence Awards, na ginanap sa Okada Manila noong December 8, 2024.

At hindi pa rin naawat si Sheryl sa pagtanggap ng acting awards, huh! Ngayong taong ito, ay ratsada pa rin siya sa recogniton.

Noong Jan 2025 ay pinarangalan siya ng Asia-Pacific Topnotch Men & Women Achievers bilang Best TV Actress of the Year.

At noong Feb 28, 2025 ay itinanghal siya bilang Outstanding Actress in Film & Television sa  Global Trends Business Awards.

Noong March 29, 2025  ay tumanggap siya ng award sa Topnotch Men & Women bilang Best TV Actress of the Year na ginanap sa Calamba Laguna.

April 5 ay pinarangalan naman si Sheryl ng The Global Filipino Icon Awards 2025  bilang Lifetime Excellence in Acting and  Musical Performance Award. Ang awarding ceremony ay ginanap sa  Dusit Thani Dubai.

Kaarawan ni She noong April 5 kaya isang napakagandang birthday gift ang pagkilalang natanggap.

At noong April 10 naman ay hinirang siya bilang Asia’s Outstanding TV Actress of the Year sa 2025 World Class Excellence Japan Awards na ginanap sa Heritage Hotel, Manila.

At dahil nga sunod-sunod ang acting awards na natanggap ni Sheryl, kaya naman next month ay tatanggap siya ng awards sa The Asia-Pacific Topnotch Men & Women Achievers 2025bilang Topnotch Grandslam TV Actress of the Year.

O ‘di ba, bongga si Sheryl, our congratulations.