HATAW! D'yaryo ng Bayan hatawtabloid.com
MA at PA
ni Rommel Placente
DINISKWALIPIKA ang isang contestant sa Tawag ng Tanghalan All-Star Grand Resbak 2025 na si Marco Adobas, matapos umano itong lumabag sa pinirmahang kasunduan bago pa magsimula ang kompetisyon.
Sa official Facebook page ng It’s Showtime, na napapanood sa ABS-CBN at GMA 7, mababasa rito na, “Sa hindi inaasahang pangyayari, si Marco Adobas ng #PangkatAlon ay may nilabag na alituntunin na nakasaad sa kanyang pinirmahang kasunduan. Dahilan para sa siya ay ma-disqualify, at hindi na magpatuloy sa kumpetisyon.
“At dahil sa mga mabigat na paratang na inilahatla niya sa kanyang social media patungkol sa kumpetisyon at sa programa, ay may posibilidad na masampahan siya ng kaso,” ang nakasaad pa sa official statement.
