HATAW! D'yaryo ng Bayan hatawtabloid.com
MATABIL
ni John Fontanilla
HANDANG-HANDA na ang tinaguriang The Lord of Scents na si Joel Cruz para isa-pelikula ang kuwento ng kanyang buhay.
At kung sakaling matutuloy ito ay ang awardwinning actor na sina Coco Martin, Dingdong Dantes, at Ryan Agoncillo ang choices niyang gumanap.
Ayon nga kay Joel, “If isasapelikula ‘yung buhay ko gusto ko si Coco Martin, kasi he is very versatile as a director and actor, kaya isa siya sa gusto ko.
“I also like Dingdong (Dantes), although medyo matangkad si Dingdong sa akin, alam ko na puwede rin siya dahil mahusay din siyang actor like Coco.
“Okey din si Ryan Agoncillo, nakasama ko kasi siya sa shooting, nag-cross dress siya, nagandahan ako sa kanya at mahusay din siyang actor.”
At gusto nitong ipakita sa pelikula ang pagsisimula niya sa negosyo at kung paano lumago ito. Ang pagiging single dad niya sa kanyang anak atbp..Ang mahalaga lang ay inspiring at kapupulutan ng aral ang pelikula.
“Lahat gusto ko isama sa movie, mula sa pagkakaroon ko ng mga anak, ‘yung humble beginning at kung paano lumago ‘yung business ko.
“Pati ‘yung nagsara ‘yung garment business ko dahil sa asian crisis, hind ka talaga makasisiguro na kahit ang lakas at super laki mo na, ‘di mo aakalain na darating ‘yung time na magsasara ka.
“Pero ang maganda naman sa akin ay hindi ako nawalan ng pag-asa at nagbukas pa rin ako ng panibagong negosyo.
“Ang importante may matutunang aral at marami ang mai-inspire sa movie ‘pag napanood nila.”
Sa ngayon ay abala si sir Joel sa nalalapit na raffle draw ng 25th anniversary ng Aficionado, na magbibigay ito ng P25-M of cash and prizes sa kanilang Aficionado Bangong Milyonaryo Raffle Promo.
Mamimigay din si Mr Joel ng Kotse, Iphone 16 Promax, E Bike, cash, staycation sa kanyang white house atbp..
Ang raffle draw ay magsisimula sa April 4 sa It’s Showtime. Ang second raffle draw ay sa June 6 at ang grand draw ay sa Sept. 6. Bisitahin lang ang kanilang FB Page (Aficionado) para sa iba pang detalye.
