Tuesday , July 29 2025
Coco Martin Lito Lapid Mark Lapid

Lito Lapid inendoso ni Coco Martin

SHOWBIZ KONEK
ni Maricris Valdez

ANIMO’Y isang tagpo sa serye ang bagong collab nina Coco Martin at Sen. Lito Lapid. Iyon pala ang Supremo tvc o ang pag-endoso ng bida sa Batang Quiapo sa senador sa ginawa nilang tvc.

Kasama sa collaboration na ito nina Coco at Lito ang anak ng senador na si Mark Lapid. At tiyak kung sino man ang makapanood nito, maganda at madaling maintindihan ang gustong ipahatid lalo na iyong mga nagawa ng senador.

Maganda ang dialogue ni Coco tulad ng ‘sabi nila wala raw ginawa si Sen. Lito noong umupo sa Senado. Ano ang pinanindigan mo?

Sagot ng netizen. ‘pinanindigan niya ang mahihirap para sa RA 9999 ‘Lapid Law.’ Libreng tulong legal ito.’


Sumunod na kinuwestiyon ni Coco kay Lito ang ‘artista ka lang.’ Aniya, ‘ano ba ang magagawa ng isang action star?’

Ang sagot, Isa si Sen. Lapid sa umaksiyon sa kapakanan ng mga manggagawa sa pamamagitan ng Eddie Garcia Law.


Inurirat din ni Coco ang ukol sa hindi nakapagtapos iyon ng pag-aaral. Na ang sagot ay,  ‘Ipinasa ni Lito ang Free College Exams Education Act.’

Giit pa ni Coco, “dumanas ka man ng hirap, lahat ng sabi-sabi sa ‘yo inaksiyonan mo.”

”Kung ako’y nakaahon, kaya niyo rin, kaya natin lumaban at umunlad,” sagot ni Sen. Lito.

Kasunod ng pag-urirat ni Coco kay Lito ay ang pag-endoso nito para sa darating na halalan sa Mayo.

Wagas ang pagkakaibigan nina Coco at Lito. Unang nagkasama ang dalawa sa FPJ’s Ang Probinsyano na sumikat ang taguri kay Lito bilang Pinuno. Supremo naman sa Batang Quiapo. Sa mga pangalang ito lalong naging matunog ng pangalan ni Lito kaya nga hinangaan niya lalo si Coco.

Aniya sa isang interbyu, “Wala akong masabi, napakagaling ni Coco. Kung ano ang role niya, naging role ko na noon, pero iba siya.” 

At dahil tatakbo muli si Lito sa pagka-senador sa Mayo, namaalam na ang kanyang karakter. “‘Yung character ko maganda. Kapag binigyan ka ng role ni direk Coco, nagmamarkda. Isa na lang doon sa Ang Probinsyano, pinangalanan niya akong Pinuno, ngauyong pinangalanan akong Supremo, nagmarka din ‘yung Supremo. Kaya napakagaling talaga ni Coco.” 

Krystall Herbal Products and FGO Branches

About Maricris Valdez Nicasio

Check Also

Sara Duterte Bam Aquino

Bam Aquino nanindigan impeachment trial vs VP Sara dapat ituloy
Humingi ng caucus sa mga kapwa Senador

NANINDIGAN si Senador Bam Aquino na dapat ituloy ang impeachment trial ni Vice President Sara …

Scoot Flight TR 369 Plane

Torre vs Baste boxing match sinibatan

HABANG excited sa paghahanda si Philippine National Police (PNP) Chief, General Nicolas Torre, mukhang ‘drawing’ …

PNP Nicolas Torre III Baste Duterte

C/PNP Torre excited sa charity boxing vs Baste Duterte

BUONG TIKAS na sinabi ni Philippine National Police (PNP) chief Gen. Nicolas Torre III na …

072625 Hataw Frontpage

Kahit sinong voter o taxpayer maaaring kumuwestiyon
4TH TERM SA KAMARA NG MISIS NI SPEAKER ROMUALDEZ DELIKADONG ‘PRECEDENT’ – ATTY. MACALINTAL

HATAW News Team HINDI lamang political opponents, kundi kahit sinong registered voter o taxpayer ay …

Jose Antonio Ejercito Goitia Liza Araneta Marcos

GOITIA BINANATAN ONLINE BLOG NA IDINADAWIT SI FIRST LADY
“Trahedya ‘wag gamitin bilang sandata sa politika.”

MARIING kinondena ni Dr. Jose Antonio Goitia, Chairman Emeritus ng apat na kilalang civic organizations, …