Geneva ‘di akalaing mai-inlab muli; Jeffey BFF lang

MA at PA
ni Rommel Placente

MEMORABLE ang huling Valentine’s Day ni Geneva Cruz dahil  isinelebreyt niya ito na may lovelife na siya. Kinilig siya matapos makatanggap ng bouquet of flowers sa nobyong atleta.

Sa mga hindi pa nakakikilala sa bf ng singer-actress, ito ay si  Dean Roxas, na member ng Philippine Brazilian Jiu-Jitsu National Team at coach ng Lucas Lepri Philippines.

Noong Disyembre 2024 nang ipakilala ni Geneva si Dean sa publiko.

Hindi na nga inaasahan ni Geneva ang mai-inlove muli. Kaya naman limang taon din siyang naging single at hindi naman naghanap. 

Matagal na raw niyang kilala ang nobyo at nag-reunite lamang sila hanggang sa ma-develop sa isa’t isa.

Sey pa ng singer, “But now, I’m just really happier and grateful. He’s here and I’m very, very proud of him. He inspires me.”

Ang love nga raw parang mas dumarating kapag hindi mo ini-expect.

Kahit naman matapang si Geneva,  masarap din naman na mayroon kang nasasandalan. 

Sa mga nag-isip naman na nagkarelasyon sila ni Jeffrey Hidalgo dahil madalas silang magkasama sa pagta-travel, at laging magka-collab sa TikTok, paliwanang niya, ay  bestfriends lamang sila at hindi naging sila.