HATAW! D'yaryo ng Bayan hatawtabloid.com
MA at PA
ni Rommel Placente
PRESENT si Nadine Lustre sa 39th PMPC Star Awards na ginanap noong Linggo ng gabi sa Winford Resort and Casino, kaya naman personal niyang natanggap ang Movie Actress of the Year award para sa pelikulang pinagbidahan niya, ang Deleter.
Nagpasalamat ang aktres sa mga nakasama niya sa pelikula, pero special mention ang Filipino French boyfriend na si Cristophe Bariou, na kasama niyang dumating sa awards night.
Noong Miyerkoles ay kakaharap lamang din naman ni Nadine sa press people para sa presscon ng pelikulang Uninvited, na isa siya sa mga bida kasama ang mga bigating artista na sina Vilma Santos at Aga Muhlach.
Entry ito ng Mentorque Productions sa Metro Manila Film Festival na magsisimula sa December 25.
Kaya naman masaya ang fans na visible ang kanilang idol sa pelikula, pero ang ibang mga faney ni Nadine ay nami-miss na siyang mapanood sa teleserye.
Pero ang sad news, wala pang balak magbalik-teleserye ang aktres.
Huling serye ni Nadine ay kapareha pa ang dating boyfriend at ka-loveteam na si James Reid, ang Till I Met You, noong 2017.
“It’s different working on TV series just because you need more time, lots of time and a lot of attention to TV series.
“Sometimes it doesn’t really last for like three months lang,” sabi ni Nadine.
May mga negosyo ring inaasikaso si Nadine. At kung mayroon siyang gustong balikan na gawin, ay ang pagkanta.
Sa susunod na taon ay babalikan niya ang music at gagawa siya ng panibagong album.
Si Baron Geisler naman ang wagi bilang Movie Actor of the Year para sa Doll House. At sina Mon Confiado ng Natutulog Ang Gabi at Dimples Romana ang Movie Supporting Actor of the Year and Movie Supporting Actress of the Year respectively.
