James inihayag Liza maraming nakalinyang projects

MA at PA
ni Rommel Placente

MALAKI raw ang posibilidad na gumawa ng pelikula sina James Reid at ang talent niya sa Careless management na si Liza Soberano. Taong 2018 pa sa pelikulang Never Not Love You ang huling pelikulang ginawa ng aktor sa Viva films, kasama ang dating nobya na si Nadine Lustre. 

Matagal tagal na rin naman daw siyang namahinga sa pag-arte. Halos anim na taon na rin naman ang kanyang huling acting project. 

“I didn’t quit. I just wanted to do music first because I left that kind of show business, being in a love team and everything,” sabi ni James.

Ibig sabihin ay hindi niya isinasara ang pinto na umarte muli. Nang tanungin siya ng movie project kasama si Liza, mabilis niyang tugon ay malaki raw ang posibilidad na ito. 

Samantala, nang tanungin kung kumusta na ang aktres sa pangangalaga ng Careless management, sinabi niyang proud siya  kay Liza dahil maraming nakaline – up na projects at patuloy pa rin ang pag-audition sa Hollywood.