HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
EPEKTIBO sa pagpapakilig sina David Licauco at Barbie Forteza sa kanilang unang tambalan sa pelikula, ang That Kind of Love na palabas na sa Miyerkoles, July 10 sa mga sinehan.
Nag-uumapaw din ang chemistry at talaga namang bagay na bagay ang BarDa kaya hindi kataka-taka kung bakit marami ang giliw sa kanilang tambalan.
Sa red carpet premiere ng That Kind Of Love na ginanap sa SM Megamall, umapaw ang fans na sumusuporta sa kanila na hindi naman nabigo sa gusto nilang makita sa pelikula.
Sinuportahan din ang BarDa ng kani-kanilang kaibigan sa industriya tulad nina
Michelle Dee, Kelvin Miranda (na may special participation sa movie) Alice Dixson, Mikee Quintos, Jeric Gonzales, Rabiya Mateo, Gabbi Garcia, Khalil Ramos, Rhian Ramos at Sam Verzosa, Martin del Rosario.
Siyempre present din ang iba pang bida sa
That Kind of Love tulad nina Kaila Estrada, Arlene Muhlach, Divine Aucina, Ivan Carapiet, at Jef Gaitan.
As usual hindi na kami nanibago sa galing ni Barbie na tulad ng husay na ipinakikita sa mga teleseryeng pinagbibidahan at kasama siya. Siya ang nagdala ng pelikula. Pero special shoutout kay David dahil magaling siyang magpakilig lalo na sa kanyang mga titig kay Barbie kaya pati mga nanonood ay hindi napigilian mapatili na animo’y ‘sila ang tinititigan ng aktor.
Pinagtagpo ng tadhana sina Barbie at David na nagkasundong ihahanap ni Coach Mila (Barbie) ng partner si Sir Adam (David) pero ang ending sila ang nagkainlaban. Subalit may twists and turns siyempre na mangyayari sa kanilang love story na siyempre wa na namin kuwento. Watch n’yo na lang dahil maganda at maayos ang pagkakalahad ng kuwento na may mga makukuhang tips sa love.
Muli, napatunayan ng BarDa na hindi lang pangtelebisyon ang kanilang tambalan, maging sa pelikula’y epektibo nilang madadala ang istorya para maihatid sa mga manonood.
Ang That Kind of Love ay mula sa Pocket Media Productions, Incorporation at Pocket Media Filmsin cooperation with Happy Infinite Productions, Incorporation.
Released and distributed by Regal Entertainment, showing na sa lahat ng cinema sa bansa ang That Kind of Love sa July 10. Special thanks sa Digital Out of Home, Inc..
