Jeraldine Blackman bagong endorser ng Beautéderm ni Rhea Tan; partnership sa Bb. Pilipinas org inanunsiyo

ni MARICRIS VALDEZ

PARA mapalawak ang reach ng Beautederm, nakipag-collab ang Beautederm chairwoman at president ng Beautederm na si Ms Rhea Tan kay Ms Jeraldine Blackman. At noong Miyerkoles, May 22 masayang ipinakilala ni Ms Rhea ang kanyang bagong endorser na ginanap sa Beautéderm Headquarters sa Angeles City. 

Si Jeraldine ang pinangalanang new face ng brand.

Ani Ms Rhea, na nagsimula sa beauty industry noong 2009, makatutulong ang collaboration nila ni Jeraldine para mapalawak pa ang reach ng Beautéderm dahil na rin sa global influence ng sikat na vlogger.

“We’re both Ilocanas. We share the same love for family, and we both honor our roots. Jeraldine is an inspiration especially to women. She’s authentic that’s why people love her,” saad ni Ms Rhea. 

“Jeraldine marks Beautéderm’s 15th anniversary. She’s the perfect influencer to do it. But it’s just the beginning. We will announce more surprises soon as part of this big milestone. We thank our consumers for their loyalty and support,” dagdag pa ng skincare executive.

Hindi naman itinago ni Jeraldine ang paghanga niya sa business magnate, na sumalubong at nag-welcome sa kanya sa 7-storey Beautéderm building.

“I really admire Ate Rhea as an entrepreneur. Look at her. She’s so successful yet so humble. I know her brand is a well-loved brand here in the Philippines, and I am so excited to make content endorsing the three new products.

“Ate Rhea contacted me and she said she’s been following me for a long time already. I was very surprised. I had no idea that a well-known businesswoman knows me. We kinda like speak the same language. We’re both Ilocanas,” ani Jeraldine.

Naibahagi ni Jeraldine, na kasal sa Australian nurse na si Josh Blackman, na nagulat siya sa attention na nakukuha ng pamilya niya ngayon lalo na sa Pilipinas. Milyon-milyon ang views ng Blackman Family sa TikTok at Instagram. 

Sinabi rin ni Jeraldine sa media interview na gagamitin niya ang kanyang social media accounts para mai-promote ang Beautéderm sa buong mundo. 

Kasabay ng pagpapakilala kay Jeraldine  ang paglulunsad ng bagong Beautéderm products, ang Cristaux Retinol Serum, Cristaux Zerum Hydra-Beauty, and Cristaux Vitamin C Serum. Available ang mga ito sa Shopee, TikTok, Lazada, at Beautéderm stores nationwide.

Inanunsiyo rin ng Beautéderm ang partnership sa Bb. Pilipinas organization.