HATAW! D'yaryo ng Bayan hatawtabloid.com
MA at PA
ni Rommel Placente
HANGGANG sa May 10, Friday, na lang mapapanood ang top-rating series ng ABS-CBN at Netflix, na Can’t Buy Me Love, na pinagbibidahan ng lovetem nina Donny Pangilinan at Belle Mariano.Magtatapos na ang seryeng mimahal ng televiews lalo na ng mga tagahanga ng DonBelle.
Noong last taping ng serye ay nagkaroon ng finale party na dinaluhan ng lahat ng mga naging parte ng serye.
Medyo senti nga raw sina Donny at Belle sa last taping day nila. Mami-miss kasi ng dalawa ang lahat ng mga nakasama nila dahil napalapit na sa kanila ang mga ito, na itinuturing na nila na mga kapamilya.
At nang matapos ang party, hindi agad humiwalay sina Donny at Belle sa ibang cast.
Sumama pa sila hanggang sa bahay ni Albie Casiño.
Post nga ng nanay ni Albie na si Mommy Rina, “Am I Dreaming Guess who’s here? Yes at 2am after their final taping The Tiu sibs Bettina, Carlo, Irene & Caroline with Bingo nagtanan na?ahahaha Snoop, Bierna & Jersey.
“My Ahia Charleston (Albie) #albiecasiño brought them home
“Am so happy. So Who killed Divine? Watch the final episodes of ‘Can’t Buy Me Love’ #cbml @starcreativestv @netflixph #sepanx #tiusibslings.”
Pare-pareho ngang may separation anxiety sina Donny, Belle, Joao Constancia, Chie Filomeno, Alora Sasam, Maris Racal, Anthony Jennings, at Kai Estrada sa last taping day nila kaya nga after the party ay tumuloy pa sila sa bahay nina Albie.
