HATAW! D'yaryo ng Bayan hatawtabloid.com
SALAMAT naman at nagkabati na ang mag-inang Sarah Geronimo at Mommy Divine.
Ito ang inihayag ng Pop Star Royalty sa isang interbyu sa kanya ng ABS-CBN at sinabing may communication na uli sila ng kanyang ina.
May ilang taon ding hindi nag-uusap ang mag-ina simula nang magpakasal si Sarah kay Matteo Guidicelli. Ito ay naganap noong February 2020 nang sumugod si Mommy Divine habang ginaganap ang intimate at civil wedding ng kanyang anak kay Matteo.
Ani Sarah, nang-umpisa ang communication nila nang batiin siya ng kanyang inang si Mommy Divine sa kanyang latest achievements.
“Yes! Thank you Lord! I love you, Ma!” ang nasabi ni Sarah nang tanungin kung maayos at nag-uusap na muli sila ng kanyang ina. “Love you ‘Ma. We love our moms,” singit naman ni Matteo.
Tumanggap ng Global Force Award si Sarah sa Billboard Women in Music Awards sa YouTube Theater, Los Angeles, California, USA noong March 6 at dito naihayag ni Sarah ang magandang balita.
“Super unexpected ‘yun. The first time I learned about it, na-surprise talaga ako. Sobrang inspiring also for an artist like me. Nagpahinga ako, took a break, then I released new songs.
“Medyo I questioned, ‘Gusto ba ng mga tao songs na inilalabas ko?’ And then this came, parang I feel na ‘wow, may nakaka-appreciate ng ginagawa ko still.’
“Very thankful, very grateful for the honor na ibinagay sa akin to represent our country and Philippine music on a global stage,” speech ni Sarah sa Billboard award.
