Loisa at Kathryn 8 taon na ang pagkakaibigan: Genuine lahat ng usapan namin  

MA at PA
ni Rommel Placente

SA guesting ni Loisa Andalio sa Magandang Buhay, nag-share ito ng ilang detalye ukol sa pagkakaibigan nila ni Kathry Bernardo na ayon sa kanya ay inabot na ng walong taon.

Ayon sa boyfriend ni Ronnie Alonte, isa si Kath sa maituturing niyang tunay na kaibigan sa showbiz na kahit hindi sila palaging nagkikita ng personal ay napanatili  ang kanilang espesyal na samahan.

“Kasi kami ni Kathryn nagkakasama lang kami kapag may event ang ABS-CBN, kapag may after-party,” sabi ni Loisa.

Sabi pa ng dalaga, super thankful siya na naging friend niya si Kathryn. Feel na feel kasi niya ang kabaitan nito. “’Yung totoong connection, mararamdaman mo.

“‘Yung friendship kasi namin kahit hindi magka-text everyday pero kapag nagkasama kayo ‘yung true connection sa inyo talagang mararamdaman mo.

“Low-key lang kayong dalawa, basta masaya lang kayo, nandoon ‘yung totoong bonding niyo. Genuine lang lahat ng usapan niyo kapag magkakasama,” sabi pa ni Loisa.

Sa katunayan, hindi pa sila magdyowa ni Ronnie nang mag-start ang friendship nila ni Kathryn.

Nag-explain din siya kung bakit wala silang masyadong litrato ni Kathryn sa social media, “Kasi hindi rin ako ma-picture-picture masyado.”

Paglalarawan pa niya kay Kathryn bilang kaibigan, isa itong good example sa mga kababaihan. “Nakai-inspire si Kathryn kasama rin kasi na inspirational talaga siya sa babae. 

“Feeling ko kaya gustong-gusto ako ni Kathryn kasi nga clown niya ako, aliw na aliw din siya talaga sa akin kaya feeling ko magugustuhan ka rin niya,” chika pa ni Loisa na ang tinutukoy ay ang isa sa mga host ng Magandang Buhay na si Melai Cantiveros.