Kuya Dick nag-enjoy sa pagsampal kay Maria 

MA at PA
ni Rommel Placente

ISA ang mahusay na aktor na si Roderick Paulate sa bida sa In His Mother’s Eyes mula sa 7K Entertainment, na ang dalawa pa sa bida ay sina Maricel Soriano at LA Santos,na gumaganap bilang mag-ina sa pelikula.

Natutuwa si Kuya Dick na muli niyang nakatrabaho sa pelikula ang matalik niyang kaibigang si Maricel.

“Ang last movie na ginawa namin ni Maricel was ‘Gorio at Tekla’ pa,” sabi ni Kuya Dick.

Patuloy niya, “At nakikita na lang natin na nili-link sa TikTok ‘yung mga TV show namin.

“But I”m very honored and happy to be working with her again.

“Pero ‘yun nga, medyo nagkataon, na ang inirereklamo ko lang dito, is kambal kami.

“Siyempre, parang nainsulto ako,” natatawang sabi pa ni Kuya Dick.

“Lagi kong sinasabi sa kanya sa shooting, ‘pasalamat ka pumayag akong maging kambal mo. Kita mo magkamukha tayo,’l natatawang sabi uli ni Kuya Dick.

Sa pelikula ay dalawang beses na sinampal ni Kuya Dick si Maricel. Sabi nga ng award-winning actress na nagbibiro, “sobra siyang nag-i-enjoy sa shooting lalo na noong dalawang beses niya akong sinampal Tuwang-tuwa siya. Parang tumama sa lotto.”

Na nang marinig ni Kuya Dick ang sinabing ‘yun ni Maricel, nag-butt in agad siya at natatawang tinuran, “’Yung mga nasampal niya (sa serye at pelikula), naigantu ko.”

Wish lang ni Kuya Dick na sana ay panoorin ang kanilang pelikula dahil maganda ang script nito.

Showing na sa November 29 ang In His Mother’s Eyes na mula sa direksiyon ni FM Reyes.