HATAW! D'yaryo ng Bayan hatawtabloid.com
HARD TALK
ni Pilar Mateo
MAY big reveal ang cult director na si Roman Perez, Jr. sa mediacon para sa kanyang padating na 4-part series sa Vivamax, ang HaloHalo X.
Dahil hindi naman nawawalan ng proyekto sa nasabing kompanya si Direk Roman, pansin din ng marami na tila marami rin ang ilag sa kanya roon. Na hindi rin naman niya maintindihan kung bakit. Mapa-artista. Mapa-kapwa direktor.
Pero ang artista na tumanggi na magpadirehe sa kanya ay ang aktor na si Aljur Abrenica.
Noon pa sana niya gagawan ito ng proyekto. At isa nga roon ay ang pagsasamahan sana nito at ni AJ Raval. Inalam naman niya ang dahilan kung may galit ba sa kanya si Aljur o kung may nagawa ba siyang hindi nito nagustuhan. Pero wala namang sagot na nagmumula from the actor’s end.
Basta ayaw lang.
Ayon kay Direk, kumbaga sa komiks eh wakasan ang mangyayari sa magiging Sunday habit ng mga manonood sa Vivamax simula sa Oktubre 8.
Mauuna ang Extra Rider na tatampukan nina Denise Esteban, Aubrey Avila, Mon Mendoza, Yda Manzano, Hurry Up Tingson, at Victor Relosa. Ikalawa ang Lucy Dreaming with Micaella Raz, Andrea Garcia, at Rash Flores. Ang ikatlo ay ang Surveillance nina Jela Cuenca at Apple Dy. At ang huli ay Grade Sex nina Aiko Garcia at Ataska.
Isang oras ang running time ng Extra Rider at Grade Sex at tig-45 minutes ang Lucy Dreaming at Surveillance.
Sa rami na ngayon ng artista na nagsulputan na ring kuwadra ng co-managers sa Viva, inusisa ko si Direk Roman kung hindi ba napakalaking pressure niyon sa kanya na pumili ng ika-cast sa bawat proyekto niya.
Hindi lang isa o dalawa ang nagbabanggaang mga artist management under his wings.
Aminado si direk Roman, isa ‘yun sa challenges that he faces. But at the end of the day, lulutang pa rin kasi ‘yung talagang may ibinuga sa performance.
Marami sa nasabing mga serye ang first time rin lang naman niya na nakatrabaho. And all passed with flying colors. Maski ang nagbabalik sa eksenang si Yda. Na dahil malaki na ang anak kaya malayang gumanap na sa adult role as a cougar in Extra Rider.
Hindi sa husay ng banatan. Kundi sa galing din sa pag-emote.
Kelan kaya niya mapao-oo si Aljur!?
Streaming na, subscribe na. Atin ‘to!
