RD Hidalgo binisita ang burol ng napaslang na hepe ng San Miguel MPS;
Reward para sa mga killers umabot na sa P1.7-M

Nagbigay ng kanyang huling paggalang si Police Regional Office 3 Director PBGeneral Jose S. Hidalgo Jr. kay San Miguel Chief of Police PLt. Colonel Marlon Serna na nasawi habang gumaganap sa oras ng tungkulin nitong Sabado ng gabi, Marso 25.

Iginawad ni PBGeneral Hidalgo Jr ang “Medalya ng Kadakilaan” (Medal of Valor) kay PLt.Colonel Serna at pinagkalooban ng pinansiyal na tulong na tinanggap ng kanyang asawa sa burol nito sa Sta Rosa, Nueva Ecija.

Samantala, ang pabuya para sa mga pumatay kay PLt.Colonel Serna ay umabot na sa PhP 1.7M matapos na magdagdag pa ng Php 500,000.00 si San Miguel Mayor Roderick Tiongson.

Ayon pa kay PBGeneral Hidalgo Jr na ang “SITG SERNA” ay ginawang aktibo na pinamunuan ni Provincial Director of Bulacan, PColonel Relly Arnedo upang mabilis na malutas ang kaso. (Micka Bautista).