HATAW! D'yaryo ng Bayan hatawtabloid.com
NASAKOTE ang dalawang indibidwal sa paghahain ng search warrant sa serye ng mga operasyong isinagawa ng pulisya sa lungsod ng Malolos, lalawigan ng Bulacan, nitong Sabado, 11 Febrero.
Batay sa ulat na isinumite kay P/Col. Relly Arnedo, provincial director ng Bulacan PPO, unang naaresto ang suspek na kinilalang si Arthur Paraiso, 47 anyos, karpintero, mula sa Brgy. Mambog, Malolos, nang hainan ng search warrant ng mga operatiba ng Malolos CPS.
Kasunod nito, nasakote rin ng mga tauhan ng Malolos CPS sa bisa ng search warrant ang suspek na kinilalang si Mark Anthony Alido, 44 anyos, barangay tanod, sa paglabag sa RA 10591 (Illegal Possession of Firearms) sa Malolos Heights, Brgy. Bulihan, sa naturang lungsod.
Nakompiskahan ang suspek ng isang kalibre .38 revolver na kargado ng limang bala, at hinihinalang shabu.
Kasalukuyang inihahanda ang pagsasampa ng kasong kriminal sa korte laban sa dalawang suspek. (MICKA BAUTISTA)
