HATAW! D'yaryo ng Bayan hatawtabloid.com
I-FLEX
ni Jun Nardo
TIME out muna si Ara Mina sa pagbubuntis this year.
Eh nagdatingan kay Ara ang sunod-sunod na trabaho kaya hindi muna niya priority ang magkaroon sila ng baby ng asawa niyang si Dave Almarinez.
Isa nga sa trabahong dumating kay Ara ay ang movie na Litrato mula sa 3:16 Media Network ni Len Carillo. Kasama niya sa family drama movie sina Ai Ai de las Alas at Quinn Carillo mula sa direksiyon ni Louie Ignacio.
Tapos, may offer pa siyang TV show mula sa Net25.
“Salamat at mayroon akong understanding husband. Hindi ko naman expected na magsusunod-sunod ang trabaho ko this year.
“Kaya hindi muna ako magbubuntis. Tapusin ko muna lahat ng trabahong dumating and I’m sure, darating naman ‘yon sa aming mag-asawa,” pahayag ni Ara sa storycon ng Litrato.
