HATAW! D'yaryo ng Bayan hatawtabloid.com
UNIQUE na unique ang title ng coming concert ng composer na si Louie Ocampo na magsisilbing 45 years niya sa music industry.
Ang title ng concert? Composer Ka Lang na gaganapin sa February 4 and 5, 2023 sa The Theater sa Solaire.
Kuwento ni Louie sa kanyang presscon, hanash ng isang talunang singer na babae sa kanyang social media account ang linyang ‘yon.
“Eh constant siya sa ‘Showtime.’ I don’t know kung hindi ko siya binoto para manalo. Tapos, nabasa nga ‘yun ng friends ko na nakalagay na, ‘Composer Ka Lang.’ Hindi naman ako na-bother at hindi na ako sumagot.
“Pero eventually, humingi rin siya ng sorry sa ‘Showtime.’ Hindi ko na alam what happened to her,” sabi ni Louie.
Of course, ‘pag Louie Ocampo ang composer, naaalala natin ang mga song na Tell Me at iba pang kanta nina Martin Nievera, Basil Valdez, Zsa Zsa Padilla, Sharon Cuneta, Regine Velasquez, Sarah Geronimo at marami pang iba na ini-expect na magiging bahagi rin ng concert ni Louie upang kantahin ang ginawa niyang hit songs. (Jun Nardo)
